आपल्या शरीराला निरोगी ठेवण्यासाठी पोषक तत्त्वांनी समृद्ध संतुलित आहार घेणे अत्यंत महत्त्वाचे आहे. शरीरात पोषक तत्त्वांची कमतरता झाली तर त्याचे परिणाम त्वचेवर, केसांवर आणि एकूण आरोग्यावर दिसून येतात. अशा लक्षणांकडे दुर्लक्ष करणे आरोग्यासाठी धोकादायक ठरू शकते.
पोषक तत्त्वांची कमतरता आणि तिची लक्षणे
1. त्वचा कोरडी होणे
जर त्वचा अचानक कोरडी पडू लागली, त्यावर सुरकुत्या दिसू लागल्या, तर हे निर्जलीकरण, फॅटी ॲसिडस, व्हिटॅमिन ई, आणि व्हिटॅमिन ए यांच्या कमतरतेमुळे होऊ शकते. हे घटक त्वचेला हायड्रेट ठेवून तिला चमकदार बनवण्याचे काम करतात.
2. केस गळणे
केस गळणे सामान्य नाही. हे प्रथिने, लोह, बायोटिन, तसेच व्हिटॅमिन डी यांच्या अभावाचे लक्षण असू शकते. केसांच्या आरोग्यासाठी या पोषक घटकांचा आहारात समावेश करा.
3. नखांचे तुटणे
जर नखे सहज तुटत असतील, तर हे लोह आणि बायोटिनच्या कमतरतेमुळे होऊ शकते. मजबूत नखांसाठी या घटकांची शरीराला गरज असते.
4. सतत थकवा येणे
सतत थकवा जाणवणे हे शरीरातील लोह, व्हिटॅमिन बी १२, किंवा कॅलरीजच्या कमतरतेमुळे होऊ शकते. ऊर्जा निर्मितीसाठी हे पोषक तत्त्वे महत्त्वाची भूमिका बजावतात, त्यामुळे त्यांचा आहारात समावेश आवश्यक आहे.
उपाय
तुमच्या आहारात पोषणमूल्यांनी समृद्ध अन्नाचा समावेश करा. आरोग्यासाठी आवश्यक पोषक घटकांची नियमित पूर्तता केल्यास शरीर निरोगी राहण्यास मदत होईल. जर लक्षणे अधिक तीव्र वाटत असतील, तर तज्ञांचा सल्ला घ्या.
हिवाळ्यात लहान मुलांसोबत फिरायला जाताय? तर लक्षात ठेवा ‘या’ गोष्टी
